Manafonistas

Irgendwann hot s sai missa; ond jetzt hot s halt no Platz ghet uff dera CD „Mit Herz und Fauschd“ zur Promoschion von r neia „Vorabendserie“ em Erschta: HUCK. Der isch Privatdetektiv in Bad Cannschtatt ond soll a bissle gscheitert aussäha, ganz was Neis fir an Privatdetektiv, ond do solls in Ermangelong von m au bloß oinigermaßa gscheita Drehbuach halt Tom Waits richta. Was drbei rauskomma isch? D Fernsähr auslassa om die Zeit, ond d cd-bleier auf die Titl 2 (Hechschde Zeit) und 10 (Gräpfruht Mond) programmiera. Älles andre isch zom drvohlaufa. Aber des lange iiiii in Zeiiiiit, des hot äbbes, do klengt r audentisch, dr Patrik von Blume aus Ravensburg, Oberschwoba.